عبدالله السويلم=
عطونا القصيد وخلو الهرج فالناس =ترا مالنا فالهرج فالناس غايه
نجم=
عطيناك ياعبدالله من صافي احساس=بدينا ولاندري لوين النهايه
السويلم=
انا ظنك امن اسنين يانجم عساس = تسافر من اولايه وتسكن ولايه
نجم=
الا شفت زولك افتكرت اهل مكناس=هل الطيب والمعروف واهل العنايه
السويلم=
تحب المشاكل يانجم جعلك الفاس = توصي وانا محتاج منك الوصايه
نجم=
الله يعيد اللي مضى واهل الارماس=الين اللذي يقرى يكب القرايه
السويلم=
تقوله وتخفي غيرها بين الانفاس = وانا مالي الليله فالاحراج غايه
نجم الإبداع =
تعلمت في لندن وعودت تكساس=وحققت لين انكرت راعي الجنايه
السويلم=
عسى الله يكافينا غثا كل بلاس = وننسا الحديث وكل بابقي الحكايه
نجم=
انا يارفيقي ماتعديت الاوجاس=ولا ودي اجازي الهوى بالنكايه
السويلم=
ترا المشكله ناسن على الشات جلاس = وخصن بها ذا العود راعي الوشايه
نجم الإبداع=
قليبك من المزيان ياشيخ منحاس=وانا يوم ماناظرت للي قفايه
عبدالله السويلم =
ترايه مناب كليب ولنتاب جساس = ولاشلت لك يانجم بيدي عصايه
عبدالله السويلم=
صحيح الذي قلته وهرجك على ساس = وهرجك صحيح اليوم مايه بمايه