اقتباس:
المشاركة الأصلية كتبت بواسطة الطائر المهاجر
بين زيف الحضاره وانتشار الفساد = تاه راع المبادي مالقى له عضيد
دام فيه الأمانه والوفاء للبلاد = ما يقاوم عواصف تتعبه لو عنيد
فوق رف التجاهل والضغوط الشداد= يترك الداب وشجرته ويبعد بعيد
مادرى بالمبادي انتهت بالسهاد= نادر ما تلاقي حر فكره سديد
في زمانٍ بقهره زاد ذل العباد= لين صار الخلايق يتبعوا كل سيد
معظم الخلق تركض دون فكر ورشاد= كل واحد وهمه كيف يعلي الرصيد
لو تذلل ونافق لاجل اخذ المراد = كل شي حلال بملته لو زهيد
غابةٍ صار فيها الذيب يخشى يصاد= من شراك الحصاني بالختل والمكيد
انقسام يلف الكون دون ازدياد= حصني متخم والذيب جوعه اكيد
وين دين التآخي والعدل والوداد= كيف صارت قلوب الخلق مثل الحديد
واصبح الدين سلعه مثل سقط العتاد = بين بايع وشاري دون خوف الوعيد
والنتيجه جرايم وانحدار بوكاد= كل يوم نشوف اخبار عهرٍ جديد
غاسل منك يدي يازمان الفساد= يكفي احيا بكرامه ماني مثل العبيد
|
ودي اغنيها والله هذي يازين لحنها
على فكرة عندنا منشد عمره عشر سنوات يؤدي صح لكن بفلوس ههههه
الف الف مليون مليون صح السانك واعتلا شانك ابا عبدالله
ايه البحر المهيل
والنهر العذب شعرا
رائع انت بكل صفاتك وكيفما جئت
الشعر عندما يصوغة مثلكم يادكتور بكل اتقان راسماً هدفه وفكرته ومضمونه
فهو الشعر
لاعدمناك
تحيتي وتقديري