[سعيد عوده الحويطي]

اقدم لكم هذه القصيدة وارجوا ان تحوز على رضاكم .

سبحان من سبح له الكون كله=الارض واللي في السما سبحوا له
اسبحه واستغفره وابتهل له=والجأ لمن كل الخلايق لجوله
يالله يالي سائله ما يمله=يامستجيب لدعوة اللي دعوله
يارب غيثك مزنة مستهله=فيها الرعد والبرق يسبق ثعوله
تبقى لها ايام وماها تهله=لما يجي مع كل وادي سيوله
يملا الفياض وكل عرقا يبله=غيث مغيث صيبا في نزوله
من البحر لين الهضاب المطله=فضلك الهي كل حيا ينوله
لما يصير العشب للارض حله=وتفتح ازهاره ويبلغ حلوله
والعين مهما شافته ما تمله=والناس من كل النواحي يجوله
يفرح به اللي دايما عاشق له=البدو واللي في الحضر يفرحوله
هذا الدعى يالله يا سامع له=عبدك دعا به وانت عندك قبوله