[ضاامية الود]

المشاركة الأصلية كتبت بواسطة هاجس نجد

الســـــلا م عليكــــــم ورحمـة اللــه وبركاته يسـرنـي أن أقـدم لكـم هـذه القصيــدة المتواضعة والتي حررت بتاريخ 16/9/1427هـ وهــــي بعنـــوان ((( الصدفـــه ))) آمل أن تنال إعجاب إخـوانـي أعضاء المنتدى

((( الصــــدفــــه )))

يابنت أنـا شفتك علــى الباب بالصـــدفـــه = مثل الغــزال إليا مشت تشـــرح البالـي
وش ذا الجمال اللــي شغــل فكــري ولفـه = لفّـة دواليب الهوى في صحصـحٍ خالـي
صــدفــه نظــرتك عســـا تتكــرر الصــدفـه= ومــن الخجل أخفيتــي الـوجـه طـوّالي
شعــرك خصــايل إلـــى حـد القـدم حَـفّــــه = أســود طــويـل تحـــــدر كنّـــــه حبــالـي
يا أبــو عيـــونٍ هــدبهــا لــو أبي وصفـــه = ليـــل ســـــواده يــسم الــــروح والحالي
مأحلى العيون اللــي بغلاها ترجَح الكفّــه = تَرجــح موازين الغلى الأول مـــع التالي
خصــرك نحيــــل عليـــه محــيزمــــه لفّـــه= لفّــــة أعنـــان الفرس في يدين خيّــالي
للقـلــب شــفٍ وفيــكــم يا الغضــي شفّــــه= أللـــــه لا يحـــرمـــه مــن شفّـــه الغالي
الولـف مايسـلا ياروح الـروح عــن ولـفـه= وإن مـا حصل شـوفكــم اليــوم عزّا ليى
عزّاللــه أني كما اللي على حــافة الطفّــه = أمــا وقـــع فالقـــاع ،أو صكـــه الجــالي

مــــــــــــــــــــــــــع تحيـــــــــــــــــــــــات
H
هـــــــــــــــــــاجس نجــــــــــــــــــــــــــد

هاجس نجد

صح لسانك وقلبك

وحروف قلمك البراقه

علي الأبداع الراقي

الحروف الجزله في معانيها

تقبل خالص تحياتي وتقديري

اختك