الا يـافـــزّة اللــي سايقـــه بـــرد الهـــوى والجــــوع= وساقـــه قــو باســـه للمنايـا يـــوم ينصــاها
تعــرّض للمــخـــاطــر والمخاطــر جالهــا مــدفـــوع =دفعه الوقت غصب ولو يشوف النار ياطــاها
إلا منّــه نــوى المسرى مشا ممشا السنــه بأسبوع= طوى البيداء كما يطوي المــزن ريــحٍ تقفّاها
متى ماشلف من يبغى غصبها غصب تجي له طــوع =سحبهـــا بيــن ذرعانــه وفــي ليلــه تعشّـاها
أنا ياصـــوع قلبي مــن هـــوى محبوب قلبي صــوع= كمــا صوع الضــواري للطرايــد يوم تلقــاها
ألا ياويــل قــلـــب لا يعـــــه فـــرقــى حـبـيـبه لــــوع = إلـى منّــــه بغــى يدلــــه تجـــدد فيه ذكـــراها
زرعــت الحـب فـي قلبـي وحبه من الصغـر مزروع =سقيتـه مـن حنان القلـب وداخل قلبي مـرعاها
أنا ياما حلفـــت أنــي علــى الغالــي مأهــــل دمــوع =ولاكــن غصب عني هلّـت عيوني بعض ماها
ترى ياصاحبي غلطـــان مـــن قال الهــوى ممنــوع= أكيـــد ما جــرّب الصحبــه ولا يعــرف بمعناها
أنا غلطــان فــي حبــه وأعــرف أن الغلط مــرجوع= ولاكــن مـع طـوال الوقت عجــز القلب ينساها
قريبــة عنـــدي وبعيـــدة قريبـــه وأبعـد مـن الكــوع= مسافتهــا كثــر عمــري الا ياصعــب ممشـاها