[الطائر المهاجر]

الطائر=
تصدق على الطاير بمليون دولار=تفتح لك ابواب الجنان المريفه
الطامي=
ياطير لو عندي من اموال قارون = لقيتني بهاك الجبال المنيفه
بالبوسنه متزوج وبالخير ممنون = واموالي تجيني ولا فيه خيفه
الطائر=
مافاد قارون دخوله الى النار= لاتصير مثله بالعلوم المخيفه
الطامي=
هم الضعافى الفقارى البسيطون = عقب الحروب اللي عليهم كليفه
الطائر=
مشغول بالك بين بايع وسمسار=تركض على الدولار لو سل سيفه
الفقر فقر النفس يازين الاخيار=وانته عزيز النفس لو كنت شيفه
لكن بعض الحين تاخذك الافكار= وتبخل تزكي لو بصحن الدويفه
الطامي=
ادهن سيور مراجعاتك لشطار = تجيب لك قرص وبالحلاوى تضيفه
الناس مثلك تدوَر والزمن حار = تبغي الصبر وايضا تبي تعريفه
داعي الشوق=
يسعد صباحك يالمهاجر بالاقطار = و يسعد صباح الطامي اللي مضيفه
الكل منكم قام يعزف على اوتار = اعلومكم يالربع ولله مخيفه
الطائر=
ويسعد صباح اللي من العشق محتار=كل يوم والثاني يدور وليفه
مناب مثلك بالتجاره لنا كار=هامور الاسهم نعرفه بتصريفه
الطامي=
اهلا هلا يابو سعد عد ماسار = مزن من القبله امطاره لطيفه
انت تعرف الطائر من عادكم صغار = رجل يحب المال حتى تخريفه
يمكن يموت وهو ينشد شاللي صار = الاسهم الاسهم ياحياة الكسيفه
الله يجيره من تصاريف الاقدار = وربي يحفظنا من علوم مخيفه
وتاتي على مانحب اغنام وابقار = نشري ونبيع ونشرب لبن من غنيفه
الطائر=
طيرك نتفه الوقت والوقت غدار=ماعاد يصلح للرجال الشريفه
اللي كسب به بين حصني وخمار=وبايع لدينه مايخاف الوجيفه
وقت نشوفه كل يوم بالادبار =الله يعين اذا استتمت لطيفه
من بعد حج العام مع جمع الاطهار=اليوم حجت مع نفوس ضعيفه
حجت مع الغربي تدور للاشرار=وصارت تدور للعيون الكفيفه
وانا ولو شايل من الهم قنطار=طويق ما يدري بريح وحفيفه
حنا بهالدنيا نقزر للاعمار= والخاتمه تحت الثرى مثل جيفه
وما يبقى الا الذكر من طيب الاذكار= للي فعل للخير نفسه عفيفه
وان كان تبغى الخير يانسل الاحرار= تعال واشتر منه وادي حنيفه
لو كان مسيوم بمليون دينار=لاجل عيونك قابلين النصيفه