[روح الشعر]

ناظر عيوني

ناظر عيوني لا تركز على حكاي =لا كنت كاذب ماتجامل عيوني
لان الحكي ماهو تعابير بشفاي =لا صارت عيوني توافق ظنوني
انتي نعيم الكون في شوف عيناي =وانتي وسيع الكون لا ضاق كوني
ياشمس باصباح الشتا شوف مبداي =هو مبتدا افراحي ولا ينتهوني
انتي جمال الليل وهدوء ممساي =بك يستثار الشعر بي لا دعوني
عذب الحكي منك تفاصيل ع الناي =و احلى ترانيمك ملو بي جنوني
قم غن لي صوتك ترى صوتك شفاي =اصوات هالعالم علت واعذلوني
يا اول حياةِِ عشتها دون شكواي =كيف اشتكي وانتي عيونك كفوني
في بسمتك فرحه على وجه دنياي =بسمة سوت كل الفرح لو عطوني
ماتبت عن حبك ولا تاب شرواي =اللي تصافوا بالعشق واسبقوني
عطيتني قلبك ولا شاف فرقاي =ولا هو مع الفرقى بيقدر يخوني

[/quote][/QUOTE]