قالوا إنته ، تقرض القيفان ،، يالشاعر قريض
قلت ماعندي ،، سوى ،، خيل القريحة اسرجه
لاطرتلي ،، زينة الأوصاف ،، أبدّع واستهيض
كل ما ،، قامت ،، تهصّر ،، كنها ،، ترقى درجة
الهوى والشوق ،، يظهر لي بممشاها نقيض
لا احتوى قلبي الهوى شوقي تدخّل واخرجه
صرت انا ،، من بينهم ،، مثل المعالج والمريض
من كثر ما يسأله ،، لأسباب ، ما فيه ،، احرجه
طالت الجلسة و كشفه صار موضوعه عريض
وأنا من كثرة جلوسي ،، كن ، في رجلي عرجه
قلت له ،، يا سيّدي والدمع ،، من عيني يفيض
لا تظن ،، الحب ،،، برنامج ،،، يبي له ،، بهرجه
حبنا اللي كان عالي ،، وصل لاحد الحضيض
و الحظوظ أرزاق ،، وهمّي ،، فيه رب ٍ ، يفرجه
بعد يوم إني مضاف وساكن القلب الغضيض
إنحذف حبي ، وإسمي ، بلستة الحظر أدرجه
محمد بن عمار