[ثار التميميه]

المشاركة الأصلية كتبت بواسطة أبوأنس

ثار التميميه..............
اسم لمع وزهى بريقه هنا في الفطاحله بدأ مع بدايات المنتدى الأولى.نجده متكررا مشاركا في معظم الموضوعات المطروحه حتى صار بصمة تميز .
شعلة من النشاط الدائم والحركة الدائبه.قرأنا فيه الوضوح والشفافيه والتلقائيه.
له قبول من الكل حتى صار مطلب من الكل.
سعدنا جدا بهذه الأستظافه لنطاع على قدر أكبر من جوانب شخصيتها التي قد أشارت اليها مجمله في إحدىالقصائد.
ـ سؤالي عباره عن طلب لبعض قصائد والدتها التي أخذت الإسم عنها والتي أشارت ان لها مشاركات شعريه.
ان كان ذلك ممكناً
والا سأكتفي بالترحيب والشكر لصاحبة اللقاء وللضيفة العزيزه.

تسلم يابو انس على كلامك الحلو

وافا عليك انت تامر امر

هذي احدقصائد الوالده منشوره باسم ثار التميميه عام 1984

انتشرت بجريدة البلاد والجزيره والمسائيه

ذكرت اللي جرى لي واتصور = ذكرت اللي تبدد في دقيقه
مضى وقتي وانا احلامي تطور = جلست وصرت باحلامي غريقه
زرعت الود في قلبي واثمر =وفاء واخلاص وعهودٍ وثيقه
حسبت الوقت بافراحه يعمر = وخلف فيني جروح عميقه
لقيت الهم في قلبي مقدر = لقيت ان الخيال اسلم حقيقه
ذكرت اللي جرى لي واتعبر = واهل الدمع لايام عتيقه
مضى وقتي وانا فيه اتفكر = كما جاهل تأمل في الخليقه

وهذي بعد بس مادري باي جريده مب مكتوب عليها

بداية حب نهايه في حياتي = خفاها ماوصل لامي وخواتي
كتمت الحب ماودي يبيني = تعاهدنا الخفا طول سكاتي
اعيش الحب من صلف المحبه = احس معدوم فيها كل ذاتي
ولكنه مقر البيت ليه = بلحظة يأس تشيل ايدي عباتي
سراب الحلم في عيني يجيني = ولالي غير انا واقع حياتي
انا خوفي من العدوان تدري = تحطم حبنا قبل الفواتي
انا والله لي ناس تبرق = يبون الشك يقطعه الثباتي
واحاول ابعد الريبه ولا ابكي = ويصيب الصدر ضيقه وانكباتي
انا لو زادت الامي صبوره = بحبه ماحدن سوى سواتي
انا من يوم عرفي له تعيسه = يرافقني حزن قلبي مباتي

وهذي ناشرينها تحت اسم ثلاث ابيات لانها ماكملتها بس افكر اني اكملها واصادرها

عرفت الحب قبل البس عباتي = خطر روحي تسبب في اجلها
انا روحي شقيه من سكاتي = ولا اطاوع عزيزن قد عذلها
ولو كنت اعلم الغيب بحياتي = جهلته مير نفسي في جهلها

وانقطعت عن النشر عام 1991

وفيه غيرهم كثير وافكر اسوي لها ديوان هنا وش رايك