في غياهب نار فرقـاك يالظبـي اللعـوب = ينجض فـوادي ولحـدٍ درا عـن غايتـه
تهت في سيات ظنـك وضيعـت الـدروب = مثـل مـن فاجتـه ملامـحـه بمرايـتـه
اتحاشا هرجـة النـاس وظنـون القلـوب = من علوك فـي شعـور السنيـن الفايتـه
شف ملامح وجهي اللي بدأ فيه الشحـوب = مستغابت شمـس حبـك ترفـرف رايتـه
اتجرع مـر غيـك وصـدك كـوب كـوب = واتعلقـم كـاس حبـك وازيـد درايـتـه
عاطفت ودي تلقـاك مـع نفـح الهبـوب = وتستثير ألطـف شعـورٍ صـدح بولايتـه
لو تقسم لهفتيلـك كفـت كـل الشعـوب = يابعـد مـن لاهـرج مستمعـت حكايتـه
ياسعادة قلب لـو جـرت لايمكـن يتـوب = مثل من وصـاه عـوده ولـزم وصايتـه
اسعد الله كل لحظـات عمـرك يالطـروب = تنتعش بـي لاطريـت العـروش المايتـه
وجهك الفاتن كما البرق في عرض النصوب = وعودك المياس فـي هزعتـه وارخايتـه
عاد عيدك لو نار الوصـل شبـت شبـوب = مـن مـودٍ جـور صـدك لبـس عبايتـه
الولايـف فـي تفاريـح حـبٍ مايشـوب = تبتهـج فـي شـوق مـادورت مبرايتـه
جيت ابهرب منك وجهت يمـك فالهـروب = مثـل أسيـرٍ مايغـادر محيـط احمايتـه
انته انفاس المسامات واكلـي والشـروب = وانتـه انهايـات مغليـك قبـل ابدايـتـه
ماتهوٌن لهفتـي لك دكاترة الحبوب = من غنمبك في زمانه ينال كفايته