افهم بقى
وابكى بقى
ع اللى بقى
قطع خيوط الشرنقة
وارفض صعود المشنقة
افهم بقى
ضاقت عيون قلب المها
وقفلت باب قلبها
اوعاك تقولى باحبها
كل الطرق فى حبها
مقفلة او ضيقة
افهم بقى
ع القلب يافطة اصلاحات
والدنيا مكسب خد وهات
كل اللغات money وكاشات
كل الطرق مزنقة
افهم بقى
وابكى بقى
ع اللى بقى
وانسي بقى امل اللقا
بريق اللؤلؤة
وراح ايمان اهل التقى
والحسنة صبحت سيئة
افهم بقى
وابكى بقى
ع اللى بقى
فك القيود واهرب كدة
من ياس حبل المشنقه
عيش بالكفاح
اجمل نجاح
امسك سلاح
صبر وعرق
ياسك غرق
عمرك سرق
والنور برق
فافهم بقى وابكى بقى ع اللى بقى