[محمد العسكر]

الاحبه

هنا

اليكم هذه الابيات

وكلها من نظمي

الله يعينكم عليها

متمنيا ان يحوز

شيئا منها على

اعجابكم

.
.
.

1/ ابيك مخلص ما ترى غيري انسااان
من شان تاخذ كل ( شي ٍ ) بغيته
.
.

2/ بكيت قربك كيف ما ابكيك لبعــدت
الموت في بُــعدك وقربك عذابي
.
.

3/ من يقول اني نسيتك لا وربي ما نسيتك
كنت حتى في غيابك سارح وقلبي معاك
.
.

4/ خذني معك من وين ما رحت وياك
خذني بقلبك دام قلبي .. رهينك
.
.

5/ كثير اللي تمنوني ولاغيرك بغيت انسان
على شانك رفضت الكل وصرت بجد مجنونك
.
.

6/من رفضني ما طلبته اتركه ما ألتفت له
عزتي تجري بعروقي ما يوطيها بشر
.
.

7/ وياك قلبي يتبعك وين مارحت
اخذتني عن عالم الناس وياك
.
.

8/ (( احس انك نبض قلبي واحس بقلبك ونبضه
تبي رايي وما تزعل ابي قلبك وخذ قلبي ))
.
.

9/كنتي وكنا بالهوى فوق الاحلام
واليوم كن ادروبنا ما تشابه
.
.

10/ لا تكابر ما يفيدك جيت من طولك معي
منك اخذت اللي بغيته وانت طلت اللي تبيه
.
.


11/ لو تبتعد عني ترى مرجعك لي
ادري بقلبك ما يبي غير قلبي
.
.

12/ادمنت حبك بس من دون ( هروين )
كنك حياتي .. لا .. يا كنك الرووووووح
.
.

13لك ( الغلا ) ماضي .. وحاضر .. ولا زال
يجري بدم .. اللي وفالك .. لحاااالك
.
.

14/هجرك ذبحني واوجع القلب صدك
هذا جزء اللي مرخص الروح .. دونك
.
.

15/ لعنبو جد الرسايل ما تجي حولك تهاب
لا بغيت اكتب وصوفك قالت : اسمحلي .. كبير
.
.

16/ بغادر عالمك وارحل بحقق لك مطاليبك
مدام انك رفضتيني الاقي من تبي ( محمد )
.
.

17/كانك تبي للحب صدق البراهين
شفني بقايا انسااااان ماثل امامك
.
.

18/ما تغير لو تغيـّـر كل هالعالم عليك
ولو يموت الحب كله حبي يبقى ما يموت
.
.

19/ ادري اني في حياتك شي ماضي وانتهى
مثلي عادي لا يهمك مو مهم انتي أهم
.
.

20/ ماني اول من يحب ولا تني اخر من تخلى
حبنا مات بشبابه والسبب .. انتي وانا
.
.

21/ جيت متاخر بس .. ممكن احبك
بعطيك ( نص ) القلب وتشوف حظك
.
.

22/اذكر اني جيت كلي انسف العالم يمين
تايه الخطوة غريب يرسمك حلم ومدينه
.
.

23/ مداااام قلبك يرفض القرب مني
ما حب اكون بيوم مصدر عذاااااابك
.
.

24/ لو طالت اسنين الجفاء في غيابك
ببقى انتظر لو راح ( عمري ) رجوعك
.
.

25/ انا مابي سوى قلبك حياتي كلها انتي
حرااام الشك يطريلك ولو لحظة فهـمتـيني
.
.

26/ اهنيك بحلول ( العيد ) مدامك للفرح موطن
يجوز انك مع الزحمة تحس وتذكر احبابك
.
.

27/ لو طلبتك غير قلبك قولي عني شخص اناني
ما تجاوزت المطالب شي اظنه من حقوقي
.
.
28/ ما بخلت بشي لجلك كل ما تطلب عطيتك
حتى عمري لك وهبته جاك ما يغلا عليك
.
.

29/ قولي مابيك وريحيني وانا ارتاح
مدام ماني في .. حياتك .. حياتك
.
.

30/جيت ابين لك حقيقة هي تهمك من غلاك
كل هالعالم بدونك في نظر عيني سراب
.
.

31/ ينتابني لجيت ابكتب لك .. الخوف
كل ( الرسايل ) هابتك .. من شموخك
.
.

32/ حيرتني واحترت وشي نواياك
كل ما نسيتك جيت تعلن خضوعك
.
.

33/ يوم دقيت انتظار .. انشغل قلبي عليك
راح تفكيري بعيد يا ترى من هي معاه
.
.

34/ حبك بقلبي جاوز حدود هالكون
حبي لك اكبر من محبتك .. لمك
.
.

35/ شفت الصحاري لاظلم الليل فيها
هذاك حالي لو تصورت دووووووونك
.
.

36/ قلبي كثير اللي عطيتيه قلبك
ماهو غريب ان صرت آخر حبايبك
.
.

37/ ملكتي عقلي وقلبي علامك تطلبين اكثر
تبين العمر .. وعيوني تراها فدوتك جاتك
.
.

38/ الناس ترسل بس تفرق لرسايلك
منك الرساله كنها الروح .. للروح
.
.

39/ كان الخطا مني تراي اعتذر منك
وكان الخطا منـّــك تراي اعتذر لك د
.
.

40/ على شانك ابيع الكل اهجر الكون لعيونك
ابيك اتحس في قلب ٍ يبيع الناس من شانك
.
.

41/ ان جيت تسالني عن الحب بقول
فوق الخيال اللي رسم لك خيالك
.
.

42/ ماكنت متخيل تقولين كذاب
علي اي اساس انتي بنيتي كلامك
.
.

43/ ارتاح ورييييح بالمحبه خفوقك
ماحد ٍ ملأ قلبي من الناس غيرك
.
.

44/ من دونك الدنيا بعيني ولا شي
انتي حياتي يا بعد كل دنياي
.
.

45/ ياذروة المجد يا ساسه ونبراسه
ياموطن العز وعلوم الفخر كله


كل المراجل تجي للناس من راسه
والطيب طبع ٍ تحلاّ فيه وإجبله

مثل البحر صعب ماناصل لمقياسه
تتعب معاني بيوت الشعر تاصله


القصد من قل من مثله مع اجناسه
هذا انت ياللي جزيل القاف يذعن له
.
.

46 / فيك القصايد لاكتبناك تختال
ماكن يرضيها من الناس غيرك

بنيت لك في شامخ العز منزال
والطيب دايم للنشاما سفيرك

وفي سيرتك لو شفت سيرة للابطال
والمجد لو يمشي سلك خط سيرك
.
.

47/ تستاهل اكبر من قصيد ورسايل
واكثر بعد من كل شعري والابيات


غلاك في قلبي مسوي هوايل
شوف المشاعر خصتك انت بالذات

لاعاش من يرضى بغيرك بدايل
هيهات غيرك ياخذ القلب هيهات
.
.
.
وهناك الكثير واسف على الاطالة .. بجد اسف
محمد العسكر