همس القوافي صار غسل الشراعي = والهاشمي معروف : واضح وشفاف
"في ذمتي مالك مع الناس داعي" = <<<هذا مرد صويحبي عقب ماشاف
دايم عبوس ونظرتك ماتراعي = ان البنات تحب همسات الاطياف
قلت : اسمحي لي ياحليب المراعي = لدت وقالت : امممه ياشِين الاوصاف
طيب .. حليب بكار ماهو صناعي = قالت : وجع !! شكلك توصف بمغراف
ذبي عن الوجه الصبوح القناعي = يمكن يزين الوصف ونعدل القاف
يوم انكشف وجهه وزاد ارتياعي = قمت اتناقز كني الخال (مقراف)*
قلت : اسمعي من قلب هذا انطباعي = وجهك يذكرني بصفحات ( إيلاف) **
* حارس مرمى الاتفاق أيام العز
** تصدق ياأبو أنس لي مدة ما مريت جريدة معلاف (إيلاف) ذكرتها وأنا اكتب هالرد .. قلت ادحدر واشوف آخر خرابيط العمير وشلته لقيتهم حاجبينها !! اللهم شماته ونص 