عايض ابو شيبه
ياشركة الجوال أخذيه مابيه =لأنه يذكرني بزين الطباعي
لأنه يذكرني بصوته وطاريه=من بعد فرقانا تزايد اوجاعي
كل مابغيت أنساه اجي وأتصل فيه=ضعفت له والضعف ماهوطباعي
أخذيه يمكن ينشرح صدر راعيه=وأتزين له دنياه بعد الضياعي
قلبي تعلق به وأنا ميتن فيه=بس القدر حكم علينا الوداعي
يادمعتن حمرا بعيني تناديه=خلاص ماضنيت للصوت داعي
خليه في حاله وربي يهنيه=خليني أثبت مره إني شجاعي
القلب عزاني وأنا فيه أعزيه=الله يعين اللي بها الحب ضاعي
حكم علي الحب إني أخليه=واليوم حكم الحب لازم يطاعي
ياشركة الجوال أخذيه مابيه=يمكن أشوف الشمس بعد الشعاعي