لتأصيل : فهذه من الكيبورد إليكم
يا عاشقين الحب ابوصف حبيـب=نادر وجوده لا وصعب(ن) منالـه
ماجد أنا شاعر وحسـه أديـب=أشعر وشعري واصف اللي ابخياله
معدنْ أصيل ولـه مهابـة لبيـب=من نظرة(ن) اللي بطاري طرالـه
صادقْ وهو دايـم لربـه منيـب=خايـف يمينـه لا تعلّـم شمالـه
عذب(ن) كلامه فاق كلمةْ عذيب=للحرف مالك هو حلاله حلالـه
من ذاق عذبه صار منـه يطيـب=ياحظ من طال العذوبـه وطالـه
من كلمة(ن) يقنع يهود وصليـب=ماهر قنوع(ن) والقناعـه مجالـه
سهله عباراتـه ودايـم تصيـب=قوله أبد ما يـوم خالـف فعالـه
روعة وروعة اي وربـي رهيـب=يأخذ ويعطي في حـواره عدالـه
شخص(ن) رزين وبالفراسة يجيب=جاوب على خلّي وصوّب سؤالـه
صبّب عرق خلّي بفكره صبيـب=يا لبى فكـره وافديتـه أنـا لـه
سبحان ربـي والله انـه عجيـب=كنه ملاك(ن) من سمانـا وصالـه
المسك ريحه لا وعود(ن) وطيـب=والجود طبعه مـا يفكـرْ بمالـه
ماظنتـي يشبـه لعمـه غريـب=ابد(ن) ولا احد(ن) ترى من خواله
عينه عسل صافي وقلبـي يذيـب=من غمزة(ن) حالي تشكى لحالـه
ارجوك لا تبعد وخلـك قريـب=حلّفتك ابربـك عظيـم الجلالـه
ضحكةْ سنونه تنسي روح الكئيب=روحي تحبـه والغـلا وانشغالـه
جنت عيوني واشتكيت الطبيـب=حتى طبيبـي قـال قطـره تبالـه
من يوم أنادي هو علـيّ المجيـب=ربي يصونـه لـي وحتـى دلالـه
ناشدْ بحبه عاشق(ن) لـه لهيـب=سارقْ فؤادي وابحنـان(ن) ونالـه
شاري أنا قلبه وهـو المستطيـب=حبري كتب لجله قصايد وجالـه
مالت جفوني له وصار النصيـب=مقبل ترى غيـره ومقبـل زوالـه
خيره علي سابق وخيـري يعيـب=مقدر على وصفه وضعفي روى له
عني حكاية مغرم(ن) به شهيـب=حتى نجوم الليـل تبلـغ رسالـه
فيها معاني الحب خايـف تخيـب=في وصل ماجد بالهوى واشتعالـه
صاير اخاف اعليه من كل ذيـب=يمشي على مهلـه وربـي يفالـه
الارض تفرح يوم تسمـع ذبيـب=منـه عليهـا لا وتبكـي بدالـه
والنور وجـه والسماحـة تهيـب=لبيـه دايـم لـي كلامـه وبالـه
ودي يسامح من رويسـه يشيـب=من وصف وجدانه وعذبة زلالـه
ياناس هو شمس(ن) ترى ما تغيب=هالكون ماخذْ من جمالـه جمالـه
وسلاااااااااااااااامتكم
أخووووووووووووووكم
ماااجد المهدي