[ابومياس]

قصيدة من الارشيف الذي اكل الدهر عليه وشرب

كتبتها عام 1411هـ

الحــــــــظ العنيـــــــــد

اكتب الآهات ودموعي مدد = ترجمه للهم من صدري قصيد
يازمان الغدر وش باقي بعد = كل ماهانت لفى همٍ جديد
ويازمان الظيم ماتاوي لاحد = والآماني والتمني مايفيد
أحسب ان الوقت مايخلف وعد = واكتشفت ان الوعد اصبح وعيد
ذقت انا في دنيتي كل النكد = تعزف الأحزآن في قلبي نشيد
والفرح قفى وعن دربي ابتعد = وتاهت الخطوه وانا همي يزيد
السعد ماشفت انا طير السعد = أرتحل وابعد عن ايامي بعيد
حظي المنكوب نام ولاقعد = قلة الحيله مع الحظ العنيد
مايصيب اللي بعمره مجتهد = ولاخبرت ان الشقي مثل السعيد
ولايقوم البيت من دون العمد = وكل يومٍ راح لايمكن يعيد

تحياتي لك