[ابومياس]

( مذكرات طفل )


الحلقة الثالة عشر


عدنا لكم من جديد بما لدى صاحبنا من ذكريات

يحدثني عن حادثة مضحكه فقال لي : في يوم من الأيام كان زواج

ولد أمير القرية وكان جميع اهل القرية حاضرين الزواج كبارا واطفالا

المهم كانوا ناصبين خيمة للعريس وعروسته فكانت ليلة الدخله

طبعا لم يكن هناك كهرباء بالقرية فذهب بعض الاولاد الى خيمة العريس

بعد الزفة طبعا لقافة منهم انا مادريت عن سالفتهم الا بعد ان احضرهم الامير

ومعه خيزران وجالس يضربهم حتى حرموا الذهاب للزواجات

يستاهلون لأنهم يتلصصون على العريس في خيمته وكان اخوي معهم

وذاك الغبي الجبان اللي ورطني مع المدرس المهم كان ضربه

شي اتلذذ به انا بعد توهيقته لي مع الاستاذ0

وهناك حدث ثاني كان خالي لايعرف قيادة السيارة فقرر ان يشتري

سيارة ويتعلم قيادتها بنفسه فجلس اخوي يعلمه القيادة

حتى عرف بعض الشي قال انا ماشي وكان الوقت قبل الغروب

بفتره قصيرة المهم شغل السيارة وتسمع صوتها من الغشامة

وكانت النفود قريبة من مزرعتنا تقربا خمسه كم شمال المزوعة

والنفود الي مايعرف يسوق اكيد السيارة بتغرز فيها المهم

خالي من كثر غشامته يبغى يلف عن شجرة ارطى كبيرة راح لف عليها

والسيارة تعلقة فوق الشجرة وصارت لاتروح لاقدام ولا ورى

وزيادة على ذلك يده ضرت على زر الاشارة ويوم شاف الاشارة

ضاق صدرة يقول توقعت السيارة راح تولع نار في أي لحظه

يقول مدري ليش الاشارة تولع المهم بالليل جانا واحد من الديره

يقول فيه سياره بالنفود مولع الاشارة قال اخوي مافيه غيره هذا اكيد

خالي راح هو والرجال يوم جو عنده حصلوا خالي مضبط القهوة

والعشاء يقول مامن عجله بكرى نطلعها 0

طلعوها له قال انا بنام هنا وبكرى امشي 0


( يتبع )