[الطائر المهاجر]

اولا لابد أن تعرفون من وين جانا الشماغ
العرب ماكانوا يلبسون لا شماغ ولاغترة ،
وفي بداية القرن كان هناك بعض البحارة الإنجليز
نزلوا على شط الخليج ، فاستأجروا واحد من البادية يساعدهم
في بعض الأمور ، ويوم جو يأكلون قاموا وفرشوا مشمع تماما
مثل الشماغ الحالي ، ويوم انتهوا من الأكل ، امطرت ، قام الرجال
وخذه ولفه على راسه ، وراح لربعه ، يوم شافوه ، اعجبهم منظره وهو لابسه
اتفقوا معه إنه يجيب لهم زود من عند معازيبه ، وبالفعل كل يوم يلطش له واحد
واستغرب الإنجليز ، وين المشمعات تختفي ، فراقبوه ، الين عرفوا أنه هو اللاطش ،
طبعا ، فصلوه ، لكن كان من بين الإنجليز رجال عقليته تجاريه ، سكت الين
رجعوا لديرتهم ، واتفق مع معمل للنسيج أنه يعمل له كورجة مثل المشمع لكن من القماش
وراعي المعمل ما يدري وش الغرض ، المهم جابهن الإنجليزي معه في رحلتهم القادمة ،
وبيعها على العربان الطاق مطبوق ، وكان من بين العربان واحد عيارته شماغ ،
لكنه ذكي ، اخذ الإنجليزي على انفراد واتفق معه أن في المرة الجاية يجيب كورجتين
وهو يبيعهن على العربان البعيدين اللي ما بعد شروا ، وبالفعل في المرة الجايه جاب له طلبه
ويوم راح لعربان ثانين ، باع بمكاسب خياليه ، لكن فيهم واحد ذيب ، ولكنه دايم يضحك
وسموه بسام ، قال للي جلب الشمغ ، وش رأيك المرة الجاية تجيب لي 4 كوارج ، فيه
عربان يبي من يسافر لهم ، وابد الربح بيني وبينك ، ومن هكاليوم وتجارة الشمغ قايمة
من بسام ، وغيرها من المسميات التي اخذت من اسم او لقب الشخص اللي تاحر فيها أول ..