قصيده بعيده كل البعد عن الغزل تدور حول لغز اضعها بين ايديكم
دقت علي الباب والباب مصكوك=وخلتني العب لعب في تالي الليل
قالت علامك ساهر الليل مربوك=هات الخبر واشرح لنا الوضع تفصيل
دوك القلم دون لنا حرف بالبوك=وازعج لنا صوتك وجر المواويل
اخبرك شاعر فالهوى صرت مشبوك=اعوام تشكي والليالي مقابيل
قلت الهوى كم واحد(ن) فيه مملوك=وكم واحد(ن)يشكي غرام وبهاذيل
قالت سوالك سهل واللغز مفكوك=مافيه واحد حب ياكود تمثيل
قلت الهوى جر الضماير على الشوك=والعشق يبقى والمحبه غرابيل
لكن بالله طالبك وش يسموك=قالت انا رجال واطرح رياجيل
قلت الله اكبرصرت رجال صعلوك=وانا اتغزل فيك بالقال والقيل
اثرك رجل مايلحقك ضن وشكوك=خليت فكري مثل فكر المساطيل
ياليتهم عن فكر خالد يصدوك=يابداية افكار(ن) تجي فترة الليل