يالله يارحمن ياعالم الغيب=يامن بتدبيرك تسير الكواكب
يارازق الانسان والجن والسيب=والطير واسماك البحر والعناكب
يامنزل الامطار روس المراقيب=تنبت بها زرعٍ وحب امتراكب
خلقتنا من غير شكٍ ولا ريب = لعبادتك وحدك نصّف المناكب
يارب جتنا احوال فيها مناشيب=من كل صوب الغم راجل وراكب
ضاقت علي الأرض بين اللواهيب=والهم من جوره تقول المواكب
يارب هذا مفرقي حله الشيب= والدمع من خوفك على الخد ساكب
الوذ بك من وقت حد المخاليب=من عادته غدري ولي دوم هاكب
مالي سوى جودك ليا جارت النيب=والا البشر ماغير شامت وناكب
هذا دعاء محتاج لك مانصى الخيب=ياجعلها دعوه لفضلك تواكب
ياعالم اسرار البشر والمطاليب = ماهيب طمعه في كثير الكراكب
لكنها طمعه بجودك وتقريب = يامن تكب الرزق للي تشا كب
ياباسط الدنيا وعاداتك الطيب=اسبغ علينا الرحمه وازج المراكب