[هيثم نور الدين]

كل الحاجات في إيديا بتفكرني بيكي
زي النهاردة إلتقت عيني بعينيكي
عدت سنين على لمسة كانت من إيديكي
لكني لسة برتجف لما الحنين بياخدني ليكي
.............................. ..
صحيح أنا ف قربك ما عشتش غير يومين
لكن يومين غير الراح غير الجاي غير السنين
.............................. ..
كان ليا قلب يقدر يحب كان فيا روح
كان فيا صبر يقدر يداوي كل الجروح
كانت ساعاتي بتتكسف تجري..... وتستنى لقانا
كانت حروفي بتبتسم ع السطر ...... تتمايل معانا
.............................. .
كانت وكنت كنا وكان
وغرامنا دا بقى من زمان
ورغم ده
.............................
دقة ساعاتي ... رنة سكاتي
كلمة ف كتاب ... نظرة عتاب
طفلة وقمر ... قلب إنفطر
غنوة حنين ... ذكرة سنين
اسرح ف نيل ... اسهر ف ليل
اسمع نعود ... أو لحن عود
وحدة خريف ... أو شمس صيف
كل الحروف ... كل الظروف
...........................
رغم السنين
لسة الحاجات حوليا بتفكرني بيكي