[احساس أنثى]

المشاركة الأصلية كتبت بواسطة الطائر المهاجر

هلا والله ومرحبا بعمدة الفطاحلة
ومشكورة امورة على ايقاعها في الفخ
من لهجتك احيانا اعتقد انك من الطايف او جده ، ولكن تبين انك في الرياض
هل الأهل يتكلمون حجازي او من وين اكتسبتي اللهجة ..
سبق ان قلت ان احساس انثى إدارية قديرة رغم صغر سنها
فتجد فيها الأناة والعقل والإتزان واتخاذ القرار المناسب في الوقت المناسب
هل هذه المكتسبات تأثرا بالوالده او بالوالد ، ام بالقراءة؟
لي عودة
شكرا لكما
تحياتي

ياهلا وغلا بمشرفنا نورت الفخ

أولاً:بالنسبه للهجه بصراحه أول مره أحد يقولي أحس أن لهجتك "حجازيه"
لإني عايشه طول عمري في الرياض منذ ولادتي وكذلك الوالده مواليد الرياض
ومن خلقة أهلي وهم بالرياض حتى جدي وجدتي الله يطول بعمرهم
هذي لهجتِ في حياتي اليوميه هو صحيح لي خاله عايشه بالطائف بحكم عملها
هي وزوجها وتكلمنا بإستمرار وكل إجازه تجي وتجلس عندنا.......
ممكن أكون ماخذه منها شويتين........بس اللي سبق وقيل عني
أن اللي يسمع كلامي أو لهجتِ بالأصح مايقدر يحدد أنا من أي منطقه
بعكس الوالده فالكل يعتقد أنها من القصيم وهي ماهي من القصيم
بس بحكم عملها واغلب صديقاتها من منطقة القصيم متأثره شوي
بلهجة أهل القصيم.

ثانياً:بالنسبه لإداريه قديره أشكرك على هذا الرأي الذي أفخر به
من طبيعتي احب اتحمل المسئووليه فإذا أحد طلب مني شغله معينه
أو خدمه أحب أسويها وتكون بأكمل وجه يعني "تبيض الوجه"
وحريصه لدرجة أن أحياناً مايجيني النوم من كثر التفكير بالشغله
المطلوبه مني وغالباً مايكون ذلك على حساب صحتي يعني أنشغل
في المسئووليه الملقاه على عاتقي وأنسى نفسي........وممكن أكون متأثره شوي
من الوالده بحكم عملها الإداري لدرجة أنها أحياناً تجيب لي سجلاتها الخاصه
في العمل وأكملها لها في البيت.

يعطيك ألف عافيه.............لاخلى ولاعدم

مع التحيه