اقتباس:
من قال لك اني انا شاعر الجيـل ؟
ياخي أنا شاعر علـى قـد حالـي
راضي "بشعري" ومقتنع فيه بالحيل
وقناعتـي وعفويتـي راس مالـي
مانيب من يطرد ورا القال والقيـل
ولي مركز ٍ بين الرجاجيـل عالـي
شفني وصلت بهمتي فوق لـ"سهيل"
واصبحت بعيون الخلايـق مثالـي
مايهمني حكي الرخـوم المهابيـل
ولو اني كذلك ماوصلـت العلالـي
ماجبتهـا بالفبـركـه والتماثـيـل
وماجبتهـا بالبهرجـه والتعـالـي
شاعر وافصل جملة الشعر تفصيـل
اتعب على الجزلـه واروم المعالـي
وأختامها ماني بأنا شاعـر الجيـل
ياخوي انا شاعر علـى قـد حالـي
راضي بشعري ومقتنع فيه بالحيـل
وقناعتـي وعفويتـي راس مالـي
|
راااااااااااااائع ما ابدعت وربى شاعرنا يعقوب
كلمات وابيات فى غاية من الروعة والاحاسيس النادرة حاليا
تسلم لنا اناملك يالغالى
ودمت ولا هنت
اختك فى الله
كريمة