اقتباس:
ما عـاد نقـدر ناكـل الا زبـادي
بعد وحوش السوق زادو فالأسعـار
يا راعتـي يـا خوفتـي ياهجـادي
يا صفق قلبي صفقة الدف والطـار
صبرت صبرٍ ما صبـره المهـادي
على وحوشٍ تلبس ثيـاب الأخيـار
زاد الدخل ميـر السلـع بزديـادي
وكلٍ درا واونس لها سـر وجهـار
ماهـو مـزوح الا كـلامٍ وكــادي
حتى ولو ما ذيع من عبر الاخبـار
الاكل كلـه مـن صناعـة بـلادي
لكـن شبوبـه قصيريـن الاشبـار
بعض الطعـام نـدوره فالمـزادي!
وبدل عصير الفاكهة قـرص فـوار
ونستانس ليا حل حتـن الجـرادي
لو كان نونس منه فالمعده أضـرار
قضـو علينـا جعلهـم للبـيـادي
كنهـم يبيعونـا كريمـات الأحجـار
راحو يلوفونـا علـى غيـر قـادي
لوف السموم الصلف لوراق الأشجار
لا جيت افصل ثوب فصلـت عـادي
مافيه داعـي للكبـك ميّـت النـار
والألف ما يكسي ضبـيّ الحمـادي
اللـي لباسـه مالنـا منـه معـذار
ومن قلت له مخطي يقول انت غادي
وبنالك من الكذب دوريـن وجـدار
جده ما عرف المعركـة والطـرادي
ولا باع عمره للوطن درع وسـوار
مغير عند امـه يحـوس الرمـادي
ولا له مع اهل الطيب والمعرفة كار
وبقرشه اصبح لـه مكـانٍ ريـادي
وقـام يحفـر ببلادنـا كنـه الفـار
لحـق وذاه الحاضـره والـبـوادي
مغير يصلخ فالبشـر تقـل جـزار
تسعين مره قـد عشـاه السـوادي
على المواطن راس شاكوش نجـار
كلٍ يقص لذن المواطـن وصـادي
با بقر با شوكه با فرزه وبـا فـار
لكـن شكوانـا لطيـر الـهـدادي
اللي بنا عز المواطـن مـع الـدار
لا يابو متعـب يـا كعـام المعـادي
ينخاك شعبك كلـه صغـار وكبـار
افزع تراهـم دودحـو يـا سنـادي
الشعب هالك والسبب رفع الأسعـار
فتحـت حصالـة مضنـة فــوادي
ويا دوب جابت بن وشويـة بهـار
|
هههههه آآآآآمييين
وربى كلمات وابيات جميلة جدا
تسلم لنا اناملك يالغالى
ودمت ولا هنت
اختك فى الله
كريمة