بالعكس يا صعوبة ياقلبي ولله الحمد ماحولي أحد من
الأشكال اللي ورد ذكرهم في النقاش
لكن لي علاقات بمصريين وسوريين وأردنيين أصلهم فلسطيني
ومغاربة وزيادة أدخل مواقعهم وأقرى فيها وأشوف واقعهم من خلالهم هم
تصدقين إن لي صديقة مصرية لما عرفت عن الفتوى المصرية بإرضاع زميل العمل إنقطعت ماعاد كلمتني؟؟!!!
قلت ليش قالت مكسوفة أوري لك وشي !!!! وأنتي وش دخلتس أنتي مفتية لايكون أنتي هههههههههههه
ولما عرفت عن موضوع الخدم برضوه زعلت وعصبت وتقول كيف أواجهكم ؟؟!!! قلت ليش وش فيها لو فرضنا إنه وحصل
طيب وش تقول البنت ولا الولد إللي سعودي وأمه إندونيسية ؟؟
تعالوا شوفوا وضعه النفسي لي جار في نفس العمارة أخرس مايتكلم وحاقر نفسه وراح جاب إندونيسية
وجابت له بنات لكن تدرون وش تقول بنته الكبيرة لبنتي (في الصف السادس)) تقول
أنا أكره أبوي لأنه تزوج أندونيسية وخلانا مسخرة للعالم دققي في كلام البنت كويس
وردي علي