ابيات من ارشيفي املي ان تحوز على اعجابكم
متى يجيني خيالك رسم فـي صـوره = اما بالاحـلام والا وسـط الاوراقـي
والاعلـى شاشـة التلفـاز منظـوره = عبر الفضاء بثها بارسـال الاطباقـي
والهاتف اللي يرن اوقـات محظـوره = عساه ياتـي بكـم ياسمـح الاخلاقـي
لو اخر الليل حتى الصبـح وظهـوره = اسهر معك لين يبداء وقت الاشراقـي
ماهمني لو يجـي عشريـن فاتـوره = ادفـع فواتيرهـا والـرب رزاقــي
هذا الغلا في ضميري شيـد اقصـوره = عمايرٍ شيدت مـن غـال الاشواقـي
النفس فـي حبكـم يازيـن مجبـوره = معذور قلـب المولـع يـوم يشتاقـي
احساس قلب المولع صـادق اشعـوره = مع طول الايام يبقى جوف الاعماقـي
عسى الوسايل تجيبك صوت مع صوره = وجعل الاماني تحقق لـو بالاوراقـي