[الطيف المسافر]

صح لسانك يامتعب
ماشاء الله عليك

والله يزيدك شعر

اقبلـت طفلـه .. تعـثـر بالمسـيـر
يـا إسـم ربـي عليهـا .. والنـبـي
!
قلت شـسمك جاوبـت إسمـي : أثيـر
بنت نايف .. قلـت : قولـي واطلبـي
!
كيف حالك ؟ ياعسـاك بألـف خيـر ؟
جاوبتني : طيبّه .. عمـووو شتبـي ؟
!
كـان ليـل وبـرد .. والعالـم تسيـر
فـي ظلامـه .. حالكـن مالـه وبـي
!
قلت : وش عنـدك لوحـدك يـا أثيـر؟
قالـت اتساعدنـي لـو قلـت اشأبـي
!
قلت انا لك سيف .. ياعمـري شطيـر
مـن عيونـي .. آمرينـي واطلـبـي
!
أسأل امي .. وامي تسكت .. مايصيـر
كل ما اسألهـا تقـول : انتـي العبـي
!
وش سألتي ؟ يمكـن ان قولـك عسيـر
والا يمكـن .. مافهمتيهـا .. اشتبـي
!
قلت لامي : وين هـو ضـي النظيـر؟
جاوبتنـي : مــات .. لاتستغـربـي
!
يمـه يرجـع بعـد ساعـه أو كثيـر ؟
اسكـتـي .. والله يكـفـي اتعـذبـي
!
هذي امي .. كل مـا اسألهـا .. تحيـر
ما لمحـت ابـوي مـن قمـت آحبـي
!
عمووو .. معنى (مات) .. لعبه ماتطير؟
عمووو .. خلصنـي ودوّر لـي (أبـي)
!
من ذهولي قمـت .. ضميـت الصغيـر
ودون مدري طحت .. واثنيـت اركبـي
!
وطاحـت الدمعـه علـى خـد الغريـر
وهي بكت .. ما تدري وش هو حل بي ؟
!
الذكي .. منهـو يطيـع الله .. ميـر :
منهو اعرض عن كـرم ربـي .. غبـي


جدا مميزه ومؤثره ومثريه

اشكرك عليها