[align=center]كل العيون بيقولوا فيها نفس الكلام
سحر وجنون وحاجات كتيره وساعات ملام
عيون بريئه .... عيون جريئة
عيون بتعرف تخفي الحقيقه
عيون تنادي ... عيون تعادي
وعيون تنسيك الطريق
كل العيون بيقولوا فيها نفس الكلام
سحر وجنون وحاجات كتيره وساعات ملام
دي عينيها مليانه حنين
ودي بتبكي أهه وانين
ودي عينيها ملونين
لكنه مش لون السنين
كل العيون بيقولوا فيها نفس الكلام
سحر وجنون وحاجات كتيره وساعات ملام
نفسي فـ حبيبه تكون عينيها مصدقين
أني عاشقها مش عشان لون العينين
نفسي فـ حبيبه تكون مرايتي
جوه فـ عينيها أصلي وحقيقتي
=======[/
align]