ياراكب من فوق طلـق الذراعين=يطوي مسير اليوم في قدر ساعـه
مرباه في الظفـره بـلاد النسييـن =ويعجبك في الارض السماح ارتباعه
يافاطـري ياللـي ثمنهـا ثلاثيـن=اللـي تهـاوي للجمـل بندفـاعـه
يامارعت من مربخٍ زاهـر زيـن=وميرادهـا عدتـعـاون سبـاعـه
يافاطري عجي قصـور الوداعيـن=حني حنين كل مـن سمـع راعـه
وثني حنينك عند قصر الخماسيـن=وخص عبداللـة صبـي الوداعـه
وحني على الرجبان هم والقثاميـن=من مثلهم حـط الوداعـه بضاعـه
والاعلى الجريان نزاعه الديـن= شرايـة للمـدح لاجــا مبـاعـه
نجدسلاطين العـرب عنـد داريـن=نجد ترى قومـي غدوبـه قلاعـه
ان كانهم بـاروا ولاهـم بموفيـن=بـارو ويبراهـم ولـي الشفاعـه
اللـة يثبتنـا علـى كلمـة الديـن=دين النبي ياحـي ذيـك الطماعـه