مع طلعة النجمة بكفي تناوشت=دلال بيضٍ والمقاضب براغيل
وجميع ما ناشت يديني وما نشت=مابين مطعون الصحن والمعاميل
أشوف لو طالن الايام ما عشت=لابد ما رزت علي المخاييل
أبي ليا جوني شواريب اهل عشت=لا خلصوا من عقب حلب ٍ وتبهيل
إبي ليا جا ينفذ الحقو بالبشت=قفوه عيالٍ تقل لجة مخاليل
وان صاح صياح الضحى ما تبلشت=لى نوهوا باخوان بتلا هل الخيل
لى اقفت بي الصفرا مع الحزم واقرشت=وكتم عجاج الخيل مثل الهماليل
وجميع ما ناش المهند لهم دشت=في موقفٍ فيه النشامى ذواهيل
عودت كني حافلٍ ما بعد هشت = وجبت القلايع هي واهلها جهاجيل