وله ايضا
يامل قلب تتله بالهوى شيعه=تلة دلي الحفر لاشالت الجمه
الطرش مضمي يذودونه قراريعه=في لاهب القيض والبدوان ملتمه
كني يتيم يعاجنه مراضيعه=استنكر الديد من فقدة حليب امه
يرضع صناعي قليلات منافيعه=الليل مايمرحه من ولية العمه
ادمية حدها الرامي على القيعه=الشمس قدامها والريح من يمه
عين اشقر لوحوا له عقب تجويعه=بين له النسر والداعي رفع كمه
القرن ذيل اشقر تلوى مصاريعه=يوم ان عج الرمك غادي كما الغمه
وادي الرشا والهييشه من مرابيعه=وخشم المضيح وبطن غثاه والحمه