((مين اللي طلب الي نفذ لي الطلب))
ابشر ياخوي ذيب ابيات مو بيت
القصيده *
اموت من فرقاك واموت بلقاك ..واموت في جورك واموت لحنانك..
كل قضاه يموت مره ويفداك..وانا اموت الفين مره علشانك..
القصيده**
لجل السنين اللي جمعتنا على خير..ولجل الغلا لاتخذ له بالقطاعه..
ولجل الدموع اللي مشت لك مسايير ..تسبق خفوق خايف من ضياعه..
ولجل القلوب اللي تسوق المعاذير.. تدمح خطا الاحباب سمعا وطاعه..
بشغل قناديل الهوى بالتباشير ..واكتب على غصن الامل هالوداعه ..
انك تكون انسان تفرق عن الغير..بين الطموح وبين حد القناعه..
ياليتني اكتبك في نص وتصير ..مثل الجبل يفخر بزود ارتفاعه ..
تدري حبيبي لو تخون التعابير ..عذر القلم واهي وقل استطاعه..
قرب حبيبي خل عنك التفاكير..مركب غرام الحب رفرف شراعه..
سوق الفرح يمي وزف النواوير ..سلواي في شوقك ولو ربع ساعه ..
عجل علي بالحب من دون تاخير..اخشى يضيق الكون بعد اتساعه..
القصيده ***
ياسماء وين القمر خله يبين..بسأله عن واحد يشبه حلاه..
غاب محبوبي وأنا قلبي حزين..مادرى إن الروح ذابت في غلاه..
القصيده ****
تسلم يدينك على توديعي البارح..احسن ماسويت يوم انك توادعني ..
دورت لي شيء اقول ماهو بجارح..وسبقتني في وداعك قبل تسمعني..
تكذب وتحلف ومن باب انك الواضح..وتتوقع انك بعد هذا بتقنعني..
وش ذنبي ان كان حظك دايم طايح..كل شيء فيني عن مواصلك يمنعني..
بانت حقيقه غلاك ولاني مسامح..موخر عيونك شوي ولاتطالعني..
فهمتك من اول انك منت لي صالح..وحتى وانا اجرحك قلت الجرح ينفعني..
مشكلتك انك تخلط الحلو بالمالح..ومصيبتك يومك بكيفك توقعني..
بدري عليك انا أرجع لك وأنا رايح..أنا اللي ان رحت صعب انك ترجعني
القصيده*****والاخيره
لوشفت حالي كيف عايش بلياك..تبكي على حالي وتلعن غيابك..
سولف لي عن غيابك وشلون دنياك ..عساك تضحك والحزن مادرابك..
لامر طيفك قلت إدخل وحياك ..وسط الفؤاد اللي هواك وتسقى بك..
اعذرني ياخوي ذيب اني ماكتبت من البدايه بس والله كنت متثاقله الكتابه
بس بعد طلبك قلت افا
والله اني نذله ذيب على طول ماشاء الله لبا الطلب وانا لازم البيه طلبه خخخخخخخخخ
أنا متاكده مليون بالميه ان عندي اخطا كثيره بس اعذرني عيوني راحت فيها وانا أنقل
وطبعا مو ذي اللي ناشبه بلساني خخخخخخخ ((كان ماقدرت اتكلم من كثرها خخخ)) كلها بس اقراها كثير لاني استحاله احفظها