في بلاد الواسطه فـوق النظـام
خلك عزوبي ولا لك في الحريـم
مايكـدر خاطـرك بعـض اللئـام
لا كبر ورعك على النهج القويـم
لاقبول(ن) حصله لو هـو تمـام
ولا وظيفه لو معه علـم وعليـم
كلما يطرق بويب(ن) في الزحـام
ينكسر خاطره من وضع(ن) سقيم
الاجانب من هنود ومـن شـوام
لاعبين(ن) اليوم في راس اليتيـم
وين ما وجهت لو لاعـلا مقـام
تحصل الاجناب من خلف الخميـم
من بطانه فاسده تسعـى الهـدام
بإسمها الوافد غدا امـره عظيـم
وفي الوزاره صار مفلوت اللجـام
من بغوا جابوه لـو انـه عديـم
وطلعوا له رقم من تحت الركـام
لاجل عين فلان من بعض الفديـم
ولو كشفت اللي يخبوا في العتـام
الوظايف كوم عنـد ابـن اللئيـم
ولانه الموثوق في فعـل وكـلام
يوخذ بقوله وينظـر لـك غريـم
ودام هذا السوس ينخر في العظام
ما تعدل وضع في ميلـه جسيـم
والحكومـه مـن تلقـى للمـلام
رغم ما تدفـع تبينـا فـي نعيـم
الفساد اليا انتشـر مالـه زمـام
غير قطع جذور سوس(ن) مستديم
والمواطن عين لو تعطى اهتمـام
بخط ساخن ينقل الوضـع الأليـم
لهيئة(ن) عليا من رجال(ن) كرام
ماعرف عنهم افا لو هـو قديـم
ولين هذا الوضع يصلح بالتمـام
لا تزوج فانت فـي فعلـك اثيـم
صح لسانك مشرفنا
لاهان راسك قصيدة رائعة
ترجمت الواقع المؤلم
انا اشهد انك صدقت
سلمت وسلم شعرك
دمت بخير