[هاجس نجد]

المشاركة الأصلية كتبت بواسطة الطائر المهاجر

ليت ما مريت من "سوق الصباحي" = وليتني ما شفت من شاله حرير
كلما اتْذّكر بعد مالعمر راحي = ينقبض قلبي ويعلن للنفير
ماهقيت الرمش من خلف الوشاحي= يطعن الرجال في اقصى الضمير
طيري اللي كان يصفق بالجناحي = صوبه غروٍ على صيده خبير
نظرة وحده وسلّمت السلاحي = نظرة اخرى خذت قلبي اسير
تاه بين الليل واهداب الصباحي = ينتخي بالبرد من حر الهجير
وبين سحر الطرف في كل النواحي = في بروقه لابصير ولا ضرير
ولا مريض ولا هو اللي صارصاحي = ولا لقى علاجه ولايدري المصير
قتل الانفس في الشرع ماهو مباحي= كيف حللتيه في القلب الكسير
كفّري للذنب واسعي بالصلاحي = وفكي المأسور كود انه يطير
وعالجي ماصار من نزف الجراحي = بابتسامه حب لو عبر الأثير
قولي آحبك ترى فيها إرتياحي = يبتسم حظي بعد طول المسير

الحبيب الغالي / الطائر المهاجر
صح لسانك مليار وبيض الله وجهك بالليل والنهار
أنت شاعر مبدع وقصيدتك تتكلم بلسان الشباب
لكن والله لو أن ما جاء في هذه القصيدو ينطبق عليك كان منتب على الدنيا إلى هالوقت
أبيات قاتلة تحكي حال عاشق على آخر رمق من الحياة قتله الحب وأضناه
لكن أعرفك يا أبو عبد الله الله يجزاك خير تحب تخفف من معانات هالشباب وتشاركهم أحزانهم
وهذا من حسن خلقك وتواضعك وطيب أصلك
وإنشاء الله راح توصلك القصيدة مغناة على دسك أو تنزل بالمنتدى قريباً بلحن يليق بها
حتى تظهـر حلاوتها وجمالها بالصوت الغنائي
لك شكري وتقديري واحترامي
تـقبل ودي وتـقديري
أخـــــوك
سعـــد بن عبـــد اللـــه العبيـــد
هـاجـس
H
نجـــــــد