[ابوعبدالرحمن القريشي]

المشاركة الأصلية كتبت بواسطة عايض ابوشيبه

يالله إني طالبك تثبيتنا عند السؤال=يوم يصبح كل منا له ثلاثة اسئله
يوم نصبح من قضاك وقدرتك تحت الرمال=وسط قبرن من ظلامه محدن ابيتحمله
يالله إنك تعلم إن اذنوبنا كبر الجبال=تابعين النفس مانخجل من اللي تعمله
طالبينك لاتخلينا من اصحاب الشمال= يوم كلن له كتابن في يدينه يحمله
ياعظيم الشأن وبيوتك نشد ألها الرحال=لاتجازي كل منا على قد اعمله
لأنوزن فضلك علينا مع عملنا الفضل مال=كيف والعاصي وهو عاصي بفضلك تمهله
من يتوب وله ذنوبن في موازينه أثقال=تمسح أذنوبه وتغفرله وعفوك يشمله
في كتابك فرق واضح للحرام امن الحلال=ولطريق الخير نبراسن ولأحدن يجهله
انت ألأول وانت ألأخر وانت شديد المحال=وانت تجزي كل منفق على مايبذله
لاإله الا انت سبحانك عليك ألأتكال=لادعاك العبد تفرح لادعاك وتقبله
عبدك المسكين يرجو رحمتك ياذالجلال=في جنان الخلد يامعبود شيد منزله
نلتوي يالله بحبلك لاتقطعت الحبال= مالنا غيرك ليا ضاقت علينا نسأله
والختام ادعيك بسمك يامبدل كل حال= أغفر لعبدك ووسع بأي قبرن ينزله

اخوي الشاعر عائض ابو شيبه

ومن منا لاتذرف دمعته او يؤنبه ضميره عندما يقرأ ما صطرت لنا اناملك حرمها الله عن النار

لمثل هذا فليعمل العاملون .. فليكتب الشعر ... فلنذرف الدموع

جزيت خيرا اخوي عايض