[هاجس نجد]

المشاركة الأصلية كتبت بواسطة دار القلوب

شاعرنا الكبير عبدالكريم بن ابراهيم بن خزيم

نزلت إحدى قصائده في جريدة الحياة في العدد 16363 بتاريخ 14/1/1428هـ

وعنوانها

آسف وآسف

وهذا نص قصيدته بعد إذن شاعرنا

طالع ياكيف الهم في وسط عيني=حتى المرايا كنها تقول وش فيك
كيف الألم من سبّتك عاث فيني=والروح تتعب والسبب من تغليّك
وش منية المسجون دامه سجيني=غير الأمل يرقبه خلف الشبابيك
بقعاء عنيدة وغّيها يحتويني=تفزع على زود العناء والشرابيك
وحالي تزايد من بعدكم غبيني=وش فايدة حبٍ تلاشى بتفكيك
من غبت عني حتى حنيني=والروح تسعد لو يجي بس طاريك
أبغاك أنا يابنت وأنتي تبيني=وياما سهرت الليل روحي تناديك
واليوم أنا انادي وأطلبك : أتركيني=لعلني أرتاح لو كنت أغليك
آسف وآسف والرجاء تعذريني=باقي بقلبي من جديدك وماضيك
ياما على حروفي كتبتك بيديني=وياما قريت الحزن متعقٍ فيك

عبدالكريم بن ابراهيم بن خزيم


من هنا ومن هذا المنبر أقول للأخ والشاعر عبدالكريم بن خزيم

صح لسانك وسِلم بنانك ورفع شأنك

أنا وجدتها وبصراحة ما قدرت أصبر حتى أبلغ جميع الأعضاء

بهذا الإبداع

إحترامي لسموك

الغالي / دار القلوب سلمت على هذا النقل
نشكرك على محهودك الطيب وصح لسان شاعرنا
عبدالكريم بن ابراهيم الخزيم
شاعر متمكن مافيه شك
لاكن ودنا نحاكمه عليها لماذا لم ينشرها هنا بالفطاحلة
ترى عليه حق كبير للزملاء أعني طلعة بر وكشته في مكان ربيع
ونسمع منه بصوته إنشاء الله
شكراً لكم جميعاً وأتمنى لكم التوفيق والنجاح
تقبل تحياتي وتقديري
أخـــوك
هاجس H نجـــــد