اقتباس:
المشاركة الأصلية كتبت بواسطة ابوعبدالرحمن القريشي
كغيري من الناس ممن جرفهم تيار الاسهم
واصابهم ذلك الزلزال المخيف
ولكن هي تجربة اضعها لكم على عجالة في هذه الابيات
انا بديت براسمالي ثمانين = ووزعتهن بين المواشي وبيشه
وحطيت معهن كثرهن ياميامين= يالله نبي ناكل مع الناس عيشه
قلنا نبي نكسب وراهن ملايين = وجهزت للمكسب ثلاثين خيشه
قلنا نبي نركب جيوب وصوالين = ونبي نغير وضعنا بالمعيشه
ونبني لنا فله كبيره بدورين = ونحط مسبحها بخلف الدريشه
احلامنا فاقت حياة السلاطين = وفاقت حياة اللي على الراس ريشه
كنت احسبه يمشي بعدل وموازين = ما كنت اعرف الحرمنه والغشيشه
جيته غشيم وطحت بين متواسين = واثري دخلت بغابة (ن) مستهيشه
لقيت ناس تاكل الزين والشين = ما همها الا يومها اللي تعيشة
هامورهم يامر وهم له مطيعين = كنه اوامر قايد وسط جيشه
السوق ماهو للصغار المساكين = لعبة هوامير تبختر بريشه
واليوم ابشركم بقالي ثلاثين = وانا احمد اللي كافل (ن) هالمعيشه
وثلاثة اسهم تدمي القلب والعين = سهم المنايا والمواشي وبيشه
ابو عبدالرحمن القريشي |
أخوي الشاعر / أبو عبد الرحمن القريشي
صح لسانك وعلا شأنك
قصيدة مؤلمه وتعبر عن حال الكثير ممن تورطو في الأسهم
مع أني والحمد لله مافكرت في يوم من الأيام في المساهمات
أزبن العقار يا بعدي لا تقضّب لحيتك غيرك وخلك حر في حلالك
مايتحكم فيه غيرك الله يرزقنا واياك الصحة والعافية وجميع المسلمين
نحياتي وتقديري لك أخي الكريم
أخـــــوك
هاجس نجـــــد