[هاجس نجد]

المشاركة الأصلية كتبت بواسطة عبدالكريم بن خزيم

بإسم الإله منّزل(ن)فاطرومعها المرسلات=ياواحد(ن)فرد(ن)صمدكل الرياح تهبها
عبدك رفع إيده طلب بالخاتمه يرجوثبات=ويارد على حوض النبي دعوه إلهي لبها
أنت الكريم أنت العليم والذنب خلاني شتات=النفس عانت ذنبها وهمومهاتلعبها
غافل عن دروب العمل حملي من الدنيا فتات=عشت الحياه عيشة كسل تمضي علي وأذنبها
مهما أعيش بدنيتي لا بد من يوم الوفاة=والنفس تجني ماعملت يومه تقابل ربها
وياماسلينا بالسعدوياماجرفتنا هالحياة =نركض ونركض وسطهاولا لحقنا لبّها
إحفظ صلاتك يافتى وإحذريزاحمها الفواة=أول عمل وسط الصحف ياصاحبي يكتبها
قلته وأناشخص(ن)مقصّرملتهي بالأمنيات=يالله يالله ربنا جنات عدن نطبها
وأعطف على حال الضعيف يزودك الله بالغناة=ترى التصّدق يابشرلنفوسنا هو طبها
وإحذرتسمّع هرجه(ن)تاتيك من عند الوشاة=ناس(ن)على أكل البشريوم الفرح هوسبها
وأدفع مادامك مقتدرفزعة عطى ماهيب هات=ويمنا الكريم اللي بذلت يكثرترى من حبها
وياليت نسمع سالفه يسوقها بعض الرواة=عن الشيوخ أهل الظفرأفضل مثل يضربها
ناس(ن)تميّزبالوفاء وعلى المواقف بالثبات=كن الكرم جوف المحيط وكانت تغوص بغبها

تقديري للجميع .

الشاعر المميز / عبد الكريم الخزيم
صح لسانك وعلا شأنك
بدون مجامله هذا النص من أجمل ما قرأت
قصيدة رائعة من شاعر رائع ومتمكن
لا يسطيع صياغة مثل هذا النص إلا شاعر أعتلى عرش القمة
فلله درك وبيض الله وجهك على نسج هذا الإبداع والتوبة النصوح
بس أخوي عبد الكريم لا تكون مثل توبة محسن الهزاني
تقبل ودي وتقديري وأحترامي
أخــــوك
هاجس H نجــــد