ابو زياد اهلا بك=والباب هذا بابك
ليته ينال اعجابك=عجّل ترا يحلا بك
لو اشغلتكم سابك=حنا لكم طوارف
لاتقطع الزياره=سيّر ودش الحاره
ماشي او بسياره=والسوق ويش اخباره
طاروا به العياّره=ماتنفع الحسايف
العمر عيشه مرّه=واذكر حلاه ومرّه
وان جيت صاحب مره=واجمل معه بالسمره
واكل حلاه وتمره=مااحلا لقا الولايف
اترك هموم السوق=واطلع مع اهل النوق
واطلق سراح الموق=كودك تشوف الشوق
تاخذ معه طاروق=خالي ولا انتا خايف