[ابو زياد]

يابوانس خذ سردي=بيحت انا لك سدي
والشوق ماله حدي=للي فرى لي كبدي
ريم جفول شردي=ماهو بحالي رايف
راع العيون النجله=الناعاسات الوجلة
لاسلهمت لي خجله=او ناظرتني عجلة
فيهاغزارة دجله=وحجاجهن رهايف
والخد الابيض صافي=والمبسم الشفافي
يضحك وبان الخافي=تحته ثمان رهافي
ولسين(ن)لي شافي=ماني لطبه عايف
هذا دواي وطبي=مانيب عنك مخبي
ياخوك هو يلعب بي=وانابلعبه طربي
ياحلو لعب الذربي= لاجاك لعبه كايف
يضحك واناشفق له=يدله وانا متدٌله
ماشفت انابه عله =راقي ولابه خله
ياحلو ذيك الطله=وهروجه اللطايف
والا سهوم الدنيا= ماني لها منحنيا
ولاني بها مغتنيا=وماقد سبق لي فنيا
ولاحصل لي جنيا=الا ثمار الطايف
والخاتمه ياطيبك=يسرني ترحيبك
انت ومعاك صحيبك=هذا الذي نرجي بك
والله فلا نصخي بك=والي سواتك نايف
والله يرد الشرقي=شريفنا الي غرقي
ماشفت انا له برقي=او دخلته بالدرقي
يمر كنه طرقي=يذكر ولا له شايف