احذر من انجاسٍ تحدك على الشيـن
والزم حدود الديـن تضمـن نجاتـك
جنب مجالس مـن يعـذرب مقفيـن
واجلس مع اللي يزيد لـك بحسناتـك
يابني ترى للنـاس حكـم وموازيـن
خلك كريـم السـاس عالـي ثباتـك
اختار منهم ربعةٍ لـك علـى الزيـن
تكفيـك شـر اللـي يدمـر حياتـك
خلـك حريـصٍ ماتهـزه شياطيـن
تـرى النـدم ماينفعـك بغفـلاتـك
وان صار لك حقٍ ترى بـه قوانيـن
طالب بحقـك دون ترفـع عصاتـك
لمهايطي مانـال مـدح السلاطيـن
لايخدعك بالصـوت مـادح عباتـك
حافظ على عرضك وعرض المسلمين
شوفاتهـم خلهـا بمنـزل خـواتـك
هذي وصاتي وانت نسـل الكريميـن
واحفظ وصاتي مثل حفظك صلاتـك
صح لسانك شاعرتنا القديرة انكسارات
لاهان راسك قصيدة رااائعة
ترجمت روعة قلب الام الذي
يعطي بلا حدود والله يحفظه لك
سلمتي وسلم شعرك
دمتي بخير