تبي تدري وش القصه , وش المعنى , وش التفسير
وش اللي سهّر عيوني وخـلا النـوم مـا جانـي
وش اللي كسّر الخاطر كسور(ن) ما لهـن تجبيـر
وش اللي أرخص دموعي بجـوف الليـل بكانـي
أبرسل لك مع ابياتـي علامـات(ن) بهـن تبصيـر
وابوصف لك معالم جرح ينـزف وسـط وجدانـي
ابرسـم لـك شظايـا خافـقٍ متكسـرٍ تكسـيـر
وابنظم لـك قوافـي شعـر فيهـا قصـة احزانـي
وابكتب قصتي معها عـذر وارفـع لـك التقريـر
انـا المظلـوم لكنـي بمفهومـك انـا الجـانـي
أنا شفتك على دربي ومن اجلـك عكسـت السيـر
صح لسانك اختي الشاعره سارة
لاهان راسك قصيدة راائعة
ترجمت الجروح سجلي اعجابي
سلمتي وسلم شعرك
دمتي بخير