صنداح وش عندك تشد الخيل بالليل = عسى الامر مافيه غازي ياخذ العربان(المري)
عساها ماغير اتجيك ماتشد عليك ابحيل = بشر عساها تبتعد عنك وانت طربان (المري)
دخيلك ياطويل العمر بهر دلتك بالهيل= تكيف من يحب الكيف واللي جايكم ظرمان(صنداح)
ترى الدله على جمر الغضى جاهزه للشيل =بصبتها من يدي ليدك ولمحمد عريب الشان(المري)
وترى مافيه نجمٍ يطويل العمر مثل سهيل = ولون النجوم اكثار ذا فاضي وذامليان(صنداح)
علامك يالزلامي تجحد اللي به يعرف الدليل = تجاه الارض بالليل الخدرسي والسفر مابان(المري)
وانامرضى عليك الميل لو انك رضيت الميل = ويقولون العرب مافيه عود الا وله دخان(صنداح)
انا والحمد لله يالزلامي وافي ولو قيل = ولاهو يموت عود الا بداله عود يظهر هان(المري)
دخيلك رد بالواقع وحلل كلمتي تحليل = تراك من الرجال اللي لهم بين القبايل شان(صنداح)
انا عرفي يهز اجموع حط الكيل شل الكيل = مثل منت الزلامي من اعتيبه غلمة ظفران(المري)
مشانى مع ياجموعٍ تركضون الخيل= وشفنا سوقكم لا فيه لا رابح ولا خسران(صنداح)
تنبه ياعميلي والرعد حامي وجابه سيل = محاديره تخم اللي بواديها وهو يقظان(المري)
عليك انته وبن منشار مردود البرى بلحيل = تري من منكم لا نيب ولا راضي ولا زعلان(صنداح)
اناويا فلاح الا اجتمعنانجعلك تطبيل = ماغير اتجر صوتك لابغينا لعبة الفسقان(المري)
دخيلك عدل الميزان لا تصغيه لي ويميل = وانا عندي علوم وكل علم يبين في القيفان(صنداح)
انا لوحدي اسد اجموع زند ايحط وزند ايشيل = لاعاد فكيف ابن منشار يجي يمي وعلمه بان(المري)
كفو بابك قصور وكل فعل يبين بالتفصيل = كشفت اللي كشفته والمخبا باقين مابان(صنداح)
انا مدري وش بقلبك بس اتحلله تحليل = ابيه ايبين للعالم ويظهر بينن للعان(المري)
انامريت عصر وشفت اخويه راكبٍ بالريل = وقالو رايحن للهند مدري رايح اليبان(صنداح)
وان وشهو علي منه يروح الهند والا ويل = هذاك اخوك انت قلي اربه ماهو الشيطان(المري)
قريت الخط ياوجه الرفيق اللي به التضليل = لقيت اسمك وبن منشار مكتوبه بلا عنوان
اشوف النوم جاني وانت تمشي كن مابك حيل = انا رايي انقفلها وقلي انت يانومان(المري)