يابحر من ينقذك من بقعة الزيـت
اللي على اصدافك خطرها وحوتك
تسللت باضرارهـا وانـت هدّيـت
من ثورة امواجك وضيّعت صوتك
ركنت في حضن الدعه واستكنيـت
والمشكله وابعادها فـي سكوتـك
نمت ووجدت النوم راحه وغطيت
والركـب خليتـه يمـر ويفوتـك
تغيّـرت معالمـك واضمحلـيـت
واحرقت عام الطبعه اخر كروتـك
هذا التراخي كان فيـه استمريـت
ابشر بموتك كان يرضيـك موتـك
يابحـر واللـي كوّنـك ماتمنيـت
الا تمـارس مثلهـم جيبـروتـك
ابيك يوم انك عشقـت وتماديـت
واعطيت من جهدك وصبرك وقوّتك
واخلصت في كل الامور وتفانيـت
واظهرت في كل المواقف ثبوتـك
تقول انـا وفيـت وفيـت وفيـت
ترفع بها صوتك وتذبـح سكوتك
صح لسانك
جزله
تحياتي لك