كفكف دموعك لايهمك من غدر = عدها لك تجربه ومنها استفيد
لاتهز صبرك خيانة هالبشر =خلها تجعلك اقسى من الحديد
خذ من اخطاءك ونكباتك عبر= تعيش عمرك خالي البال وسعيد
والنصر بالخاتمه للي صبر= للي درب الصدق عنها مايحيد
والجفاف ان طال ينهيه المطر = ربنا ماكان ظلام العبيد
ان خذلك البر رزقك في البحر= ولا انقفل باب انفتح الفٍ جديد
لايهمك لا استوى دربك خطر= عمرك المكتوب عنه ماتزيد
لو دخلت الحرب مكشوف الصدر = ولك عمر بتعيش عمرك ذا اكيد
كلها اقدار من خيرٍ وشر = حذرك وفطنتك صدقٍ ماتفيد