هرج سمعته مـا يسـر الرياجيـل
من واحد"ن" جاني علـي باتصالـه
تنعـاف ياهـرج وراك الغرابـيـل
وتنعـاف يارجـل نويـت النذالـه
وجـه كلامـك يـاردي للمهابيـل
رخوم الرجال اللي تروم الجهالـه
أما أنا ريـح مـن القـال والقيـل
مالك على مثلـي طريـق ودلالـه
من دونكم سليـت حـد المصاقيـل
ومن لا برك للحمل ما قيـل شالـه
أحشم رفيقـي وأذخـره للمقابيـل
وليا عوى بالصوت صوتي عوى له
حتيش لو تزعـل علـي العواذيـل
وحتيش لو قامت حـروب وقتالـه
يانعنبـو رجـل يحقـر الرياجيـل
ان ناسبه ولا تخطـى مجالـه..!1
ويانعنبـو رجـل يمـد المهازيـل
واللي عن المعروف تقصر حبالـه
بعز نفسـي ..وأفتخـر بالمشاكيـل
قروم الرجال اللـي تعـز الزمالـه
واللي مضريها بشـرب الفناجيـل
يضحك ليا مدوا عـلاه البيالـه..!!
واضح كلامي ما يبا لـه تفاصيـل
صح لسانك اخي الشاعرعايض
قصيدة جميلة ورائعة
سلمت وسلم شعرك
دمت بخير