[هاجس نجد]

المشاركة الأصلية كتبت بواسطة الطائر المهاجر

تخيل لو تلاقينا بعد عمر من الفرقا = وكل مع شريك العمر والأطفال قدامه
وتلاقت عينك بعيني بنظره عجلةٍ سرقا= ترجّعنا لسنين الحب واجمل ماضي ايامه
وآمالٍ بنيناها وطارت كنها الورقا = ولا باقي سوى الذكرى تجدد طيف أحلامه
زمن غدار فرقنا احد غرب واحد شرقا = ولا راعى قلوب تحب صارت ضمن ايتامه
وعادات وتقاليدٍ قديمه كلها خرقا= تحارب من يحب ولو بيدها تعلن اجرامه
الا وش ذنبك وذنبي غدينا بموجها غرقا= نسايرها بلا ارواح كلٍ يكتم آلآمه
قدرنا انا تلاقينا بجسر الحب به نرقا = نحسبه آمنٍ واثره تهاوى فوقنا حطامه
وقطار العمر يسبقنا نشوفه لمحة البرقا = على الرجلين نتهادى بصحرا الوقت واوهامه
ابنسى وانتي انسيني ونقطع بالقلب عرقا= يذكّرنا بماض فات جر القلب لاسقامه
ونرجي يوم نتلاقى بجمعاء ما بها فرقا = بجنات الخلود برحمة اللي عدل باحكامه

ياسلام عليك يا أبو عبد الله

صح لسانك ملايين ياشاعرنا الغلي

أبو عبد الله أسمح لي بنسخ هذه الرائعة

والله أنك تعديت الإبداع يا أبو عبد الله

من كل قلبي أقول الله يخليك ويرعاك

ويبقيك لنا رمزاً وذخراً

نعم بكل صراحة لك محبة كبيرة في قلبي

والله أني فخور جداً بمعرفتك وشرواك من الفطاحلة المحترمين

تقبل خالص ودي ومحبتي

أخــــوك

هاجس }{ نجـــد