اقتباس:
المشاركة الأصلية كتبت بواسطة الكايد
مايجرح النفس غير الكلمه المره = لاجات من واحدٍ ماهوب حاسبها
تحزفي خاطرك بلحيل وتضره= لوكان مالك دواعي في سبايبها
لكن بعض البشر بلحيل مغتره= تشيل كل المصايب في حقايبها
لوكنت تهرج بحق وكلمتك حره= الشك في خاطر الشكاك يقلبها
وبدال مانته تبيله خير وتسره= الغايبه جابهالك مادريت بها
واصبح لسانك على الغلطات مجتره= في لعبت (ن) له على فنه يلاعبها
ويحرف الهرج عن معناه بالمره = واللي بعيدٍ عن الشكه يقربها
دنياك يالادمي ماتازن الذره = حاسب لنفسك قبل ربك يحاسبها
واعمل عمل خير واخذ النفس بالقره = والطيبه في حياتك كون كاسبها
قبل فوات الاوان وزفرت الغره= نفسك لها حق يامسلم توصبها
في يوم مالك على ظهر الثراء جره = والروح مرهونت بيدين طالبها
|
العزيز الموقر الكايد سلمه الله
الف الف مليون صح السانك والله ان مثل هالقصيده ودي تثبت على طووول بالصفحه الاولى من الهمس
لما تحمله من الحكمه وحقيقة الشعر التي لا تغيب عن الشاعر الشاعر
لله درك لله درك لله درك
انت من بيت شعر وادب ياصنداح ولاغرابة عندما تبدع
مهما قلت فلن اوفيك حقك ايه الشاعر الحكيم
تحياتي
مع اسمى ايا ت الشكر فائق الاحترام واطيب المنى رعاك الاله