[هاجس نجد]

المشاركة الأصلية كتبت بواسطة عبدالعزيز بن عمار

السلام عليكم ورحمة الله وبركاته..

مساكم الله بالخير ... بدون مقدمات ,, أقدم لقلوبكم هذه المتواضة ,, وسوف تحدثكم عن نفسها !!!

تفضلوا ....


7

7

7

7

لواني خفوق القلب من نظرة عيونـه=عيون الحبيب اللي تعـنـّى على شاني
هلا يالعشير اللي لفاني على هونــه=هلا ياقمر خمسة عشر يوم وافاني
هلا يا ربيع القلب و يا مجلي حزونه=هلا يا بعد كل الغلا واغلى الاثماني
سلامي على عهد ٍ سقى وارق غصونه=سقا الله عهود الحب يوم الغضي جاني
صروح المودة والغلا باني ركونه=وشـيّد مباني الحب من ساس الاركاني
سناها شعاع البرق لا هلـّت مزونه=يشعشع سنا نوره على القاصي والداني
غرامه تمكن بي وانا صرت مضمونه=وشبكني ابشباك الهوى يوم حـيّاني
سحرني حسين الدلّ واصبحت مرهونه=وتولــّعت به والشوق ناره تولا ّني
ألا واعذابي ساعة اموادع عيونه=تعابـير قلبي ..تفضح الشوق بلساني
وانا من صواب الحب ياللي تعرفونه=عليل الفؤاد ولاهب الشوق أشقاني
طريح الهوى ياهل الهوى لا تلومونه=إلى صار فكره مع هوى البال سهراني

عبدالعزيز بن سعد بن عمار

ألا واعذابي ساعة اموادع عيونه = تعابير قلبي ..تفضح الشوق بلساني

...أستاذي الغالي وفارس الكلمة الشاعر/ عبد العزيز بن عمّار

ماقصرت والله وصح لسانك ..

جزلة يالغالي .. من شاعر جزل

معاني سهله سلسة ومشوقة

سهلة على شاعر بمكانة الشاعر عبد العزيز بن عمّار

يستطيع ترويض الحروف والكلمات وتحويلها إلى جمل موسيقية رنانة

تدخل إلى قلب المتذوق بدون استأذان

تقبل تحياتي وتقديري وإعجابي

أخــــوك

سعــد العبيــد

هاجس }{ نجـــــد