حبيبي ضاقت الدنيا بعيني =على فرقاك ضاقتبي الجهاتي
اجاذب ونتي واصفق يديني=وهموم البعد فيني جايراتي
اذوق الويل واقاوم سنيني=اسلي خاطري في ذكرياتي
زمانٍ فات يجذبني حنيني =على ذكراه راحت بي وجاتي

اراقب الفرحه وعيني تخايل=لساعة هناء فيها تهل المخيله
ابوي راح ومالقيت البدايل=من غيبته قلبي لهمه يشيله
الهم جاني والسعاده رحايل=ولحظات فرحي في حياتي قليله

ياصاح شفها دمعة العين سالت=يومه طراك البعد في ليلة السبت
شف عبرتي بالصدر صالت وجالت= من طاري الفرقا لي شهور ماطبت !!

من جور وقتي صابني اليوم طعنات=حتى السعاده في حياتي بخيله
وحظي ترداء صابه سهوم عثرات=ومن حالته دمعي تسابق هميله
وقلبي تجرع هم دنياه حسرات=من مات ابوي وصار همه يشيله
اخفي همومي دون قوم الوشايات=اهل الحسد واهل النفوس الذليله
شذابة المقفين واهل العداوات=جارو علي يوم الزمن جار ميله
جنبتهم ولا سلمت الأذيات=والشر منهم قام يجرف بسيله
هو عيدهم لامن لقو بي هفوات=لكنها بعدٍ عليهم طويله
ياليت فرقاهم تجي بالسهالات=واشد وارحل في ديارً بديله
شافه وياما لعوزت بي حاجات=ورزقي علي اللي كلنا نلتجي له
همي عميقٍ مثل عمق المحيطات=مهما كتبت حروف تبقى قليله !!